* ಹುಣ್ಣಿಮೆ *

ಮಗುವಿನಷ್ಟೇ ಮುದ್ದಾದ ಚಂದ್ರನ ಮುಖ,

ತಿಳಿ ಮಜ್ಜಿಗೆಯಂಥಾ ಬೆಳದಿಂಗಳು,

ಚಂದ್ರನಿಗೆ ಮುತ್ತಿಟ್ಟು ನೇವರಿಸುವಂತೆ

ಚಲಿಸುತ್ತಿರುವ ಮೋಡಗಳು,

ಆವರಿಸಿಹ ರಾತ್ರಿಯ ಮೌನಕ್ಕೆ ನಿದ್ದೆ ಬರಿಸುವಂತೆ 

ಮರದೆಲೆಗಳ ಬೀಸಣಿಕೆಯ ತಂಗಾಳಿ,

ಕಣ್ತುಂಬಿ ನನ್ನನುರುಳಿಸಲಿರುವ ನಿದ್ರೆಯ 

ನೂಕಿ ಬಾಯ್ತೆರೆದು ಕೂತ ನಾನು ಮೂಕ ವಿಸ್ಮಿತ...

:)

-ಶಶಿ

(31/8/12)

*ಬಯಲು ಸೀಮೆ*

ಮಳೆಗಾಲದ ಸಂಜೆಯಲಿ

ಬಿಸಿಯುಗ್ಗುವ ಗಾಳಿ.!

ಸುರಿದು ಭುವಿಯ ತಣಿಸುತಿದ್ದ

ಮೋಡಗಳು ಸರಿದವೆಲ್ಲಿ.?

ತೇವ ಕಾಣದೆ ಅರೆಬೆಂದ

ಮೊಳಕೆಗಳು ಮಣ್ಣಿನಲ್ಲಿ;

ಲೋಕಕನ್ನವನುಣಿಸಿ

ಸಾರ್ಥಕ್ಯ ಹೊಂದುವ

ರೈತನಾಸೆ ಸಾವಿನಂಚಿನಲ್ಲಿ...

:(

-ಶಶಿ

*ಮುಕ್ತ*

ನಾ ಕವಿಯಾಗಲೊಲ್ಲೆ

ಆ ಜ್ಞಾನದರಿವು ನನಗಿಲ್ಲ

ಆಣೆಕಟ್ಟು ಒಡೆದು ಧುಮ್ಮಿಕ್ಕುವ

ಹವಣಿಕೆಯಲ್ಲಿರುವ ಹಿನ್ನೀರಂತೆ,

ಮನದೊಳಗಿಂದೊದೆದು ಹೊರನುಗ್ಗಲಿರುವ

ಭಾವಗಳಿಗೆ ಪದ ರೂಪದಿ ಹೊರಹರಿವು ಕಲ್ಪಿಸಿ

ಮುಕ್ತಿಗೊಳಿಸುವ ಅನಿವಾರ್ಯತೆ...
:)
-ಶಶಿ

(18/08/2012)